മുംബൈ: ഹരിദ്വാറിലെ ധര്‍മസന്‍സദ് പരിപാടിയില്‍ മുസ്ലിംകളെ കൊന്നൊടുക്കാനുള്ള ആഹ്വാനം ശരിക്കും ആഭ്യന്തര യുദ്ധത്തിനുള്ള ആഹ്വാനമാണെന്ന് നസറുദ്ദീന്‍ ഷാ. ഇന്ത്യയില്‍ നിലവില്‍ നടപ്പാക്കിക്കൊണ്ടിരിക്കുന്ന ഹിന്ദുത്വ വംശഹത്യ ശ്രമങ്ങള്‍ രാജ്യത്തെ ആഭ്യന്തര യുദ്ധത്തിലേക്ക് നയിക്കുമെന്ന് നസറുദ്ദീന്‍ ഷാ പറഞ്ഞു.
നിലവിലെ സംഭവങ്ങളില്‍ അങ്ങേയറ്റം കലി തോന്നുന്നതായും പ്രധാനമന്ത്രി നരേന്ദ്ര മോദിക്ക് ഇതൊന്നും ഒരു വിഷയമായി തോന്നുന്നില്ലെന്നും നസറുദ്ദീന്‍ ഷാ പറഞ്ഞു. ഹരിദ്വാറിലെ ധര്‍മസന്‍സദ് പരിപാടിയില്‍ മുസ്ലിംകളെ കൊന്നൊടുക്കാനുള്ള ആഹ്വാനം ശരിക്കും ആഭ്യന്തര യുദ്ധത്തിനുള്ള ആഹ്വാനമാണ്. 20 കോടി മുസ്ലിംകള്‍ അക്രമം ഉണ്ടായാല്‍ പ്രതിരോധിക്കാന്‍ ശ്രമിക്കുമെന്നും നസറുദ്ദീന്‍ ഷാ വ്യക്തമാക്കി.
‘ഇവിടെ ജീവിക്കാന്‍ ആഗ്രഹിക്കുന്നവരാണവര്‍. ഇവിടെ ജനിച്ചു വളര്‍ന്നവരാണവര്‍. നിലവിലുള്ള മുസ്ലിംകള്‍ മുഗള്‍ ഭരണകാലത്തെ കുഴപ്പങ്ങള്‍ക്ക് മറുപടി പറയണമെന്ന് ശഠിക്കുന്നത് വിഡ്ഡിത്തമാണ്. നീതിയിലെ വിവേചനം കൂടി വരുന്ന കാഴ്ചയാണ് കാണുന്നത്’, നസറുദ്ദീന്‍ ഷാ കൂട്ടിച്ചേർത്തു.
Post a Comment