വധുവായി ഇറങ്ങേണ്ട വീട്ടിൽനിന്ന് ഫാത്തിമ പടിയിറങ്ങി; എന്നെന്നേക്കുമായി; നോവ്

പെരിന്തൽമണ്ണ : പുതുജീവിതത്തിലേക്കു കാൽവച്ച് മണവാട്ടിയായി വരന്റെ വീട്ടിലേക്കിറങ്ങേണ്ട അതേ സമയത്ത് ഫാത്തിമ ബത്തൂലിന്റെ മൃതദേഹം പള്ളിയിലേക്കെടുത്തപ്പോൾ വീട്ടുകാർക്കും കുടുംബാംഗങ്ങൾക്കും മാത്രമല്ല, കണ്ടുനിന്നവർക്കാർക്കും അതു താങ്ങാനായില്ല. വരനൊപ്പം നടന്നു നീങ്ങേണ്ട വിവാഹപ്പന്തലും വഴിയും കടന്ന് ആംബുലൻസിനൊപ്പം ആ മൃതദേഹവുമായി പൊട്ടിക്കരച്ചിലുകൾക്കും വിങ്ങിപ്പൊട്ടലുകൾക്കുമിടയിൽ നാട് നീങ്ങി. വധുവിന്റെ അന്ത്യകർമങ്ങൾക്ക് മൂകസാക്ഷിയായി വരനും ഉണ്ടായിരുന്നു. വധുവിനെ വീട്ടിലേക്കു കൂട്ടിക്കൊണ്ടുപോകുന്ന ചടങ്ങും വിവാഹസൽക്കാര ചടങ്ങുകളുമാണ് രണ്ടു ദിവസം മുൻപ് നടക്കേണ്ടിയിരുന്നത്.  

<

div>കല്യാണത്തിൽ പങ്കെടുക്കാനായി തലേന്നുതന്നെ വീട്ടിൽ എത്തിയവരുണ്ടായിരുന്നു. എല്ലാവരും മരണാനന്തര ചടങ്ങുകളിൽ പങ്കെടുത്ത് കണ്ണീരോടെ മടങ്ങി.