കോഴിക്കോട് നഗരത്തില്‍ വീണ്ടും വന്‍ മയക്കുമരുന്ന് വേട്ട. നിലമ്ബൂര്‍ പനങ്കയം വടക്കേടത്ത് വീട്ടില്‍ ഷൈന്‍ഷാജി(22)ആണ് 52 ഗ്രാം എം.ഡി.എം.എ.യുമായി എക്സൈസ് പിടിയിലായത്.അന്താരാഷ്ട്ര മാര്‍ക്കറ്റില്‍ 50 ലക്ഷത്തിലധികം വിലവരുന്ന എം.ഡി.എം.എ. മയക്കുമരുന്നുമായി ആയാണ് അറസ്റ്റില്‍ ആയിരിക്കുന്നത്. ചൊവ്വാഴ്ച രാവിലെ 10.45-ന് എക്സൈസ് ഉദ്യോഗസ്ഥരുടെ വാഹനപരിശോധനയ്ക്കിടെ പാലാഴിയില്‍ വെച്ചാണ് ഇയാള്‍ പിടിയിലായത്. ബെംഗളൂരു, ഗോവ എന്നിവിടങ്ങളില്‍നിന്ന് വലിയതോതില്‍ എത്തിക്കുന്ന എം.ഡി.എം.എ. തൃശ്ശൂര്‍, കൊച്ചി, കോഴിക്കോട് എന്നീ ജില്ലകളിലെ ഡീലര്‍മാര്‍ വില്‍പ്പന നടത്തുന്നതാണ് രീതി. യുവാക്കളെയും കോഴിക്കോട്ടെ നിശാപാര്‍ട്ടി സംഘാടകരെയും ലക്ഷ്യംവെച്ച്‌ ആലുവായില്‍ നിന്ന് കൊണ്ടുവന്നതാണ് മയക്കുമരുന്നെന്ന് പ്രതി മൊഴി നല്‍കി.
Post a Comment