മൂന്നാര്‍: വിവാഹ വാഗ്ദാനം നല്‍കി പതിനേഴുകാരിയെ പീഡിപ്പിച്ച്‌ ഗര്‍ഭിണിയാക്കിയെന്ന പരാതിയുടെ അടിസ്ഥാനത്തില്‍ യുവാവിനെ മൂന്നാര്‍ പൊലീസ് അറസ്റ്റ് ചെയ്തു.ആട്ടോറിക്ഷാ ഡ്രൈവറും ടൂറിസ്റ്റ് ഗൈഡുമായ മൂന്നാര്‍ കോളനി സ്വദേശി വിജയകുമാറാണ് (23) പിടിയിലായത്. വിവാഹ വാഗ്ദാനം നല്‍കി പതിനേഴുകാരിയെ വീട്ടിലും മൂന്നാറിലെ സ്വകാര്യ കോട്ടേജിലുമെത്തിച്ച്‌ പീഡിപ്പിച്ചതായാണ് പരാതി. കഴിഞ്ഞ ദിവസം പെണ്‍കുട്ടിക്ക് ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് മൂന്നാറിലെ ആശുപത്രിയിലെത്തിയതോടെയാണ് പെണ്‍കുട്ടി ഗര്‍ഭിയാണെന്ന് കണ്ടെത്തിയത്. തുടര്‍ന്ന് ആശുപത്രി അധികൃതര്‍ പൊലീസിന് വിവരങ്ങള്‍ കൈമാറി. മൂന്നാര്‍ സി.ഐ മനേഷിന്റെ നേതൃത്വത്തിലുള്ള പൊലീസ് സംഘം പ്രതിയെ പിടികൂടുകയായിരുന്നു. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
Post a Comment