ആലുവ: പെരുമ്ബാവൂര്‍ - ആലുവ ദേശസാല്‍കൃത റൂട്ടില്‍ ചാലക്കല്‍ പതിയാട്ട് കവലയില്‍ നിയന്ത്രണംവിട്ട കാര്‍ മതിലില്‍ ഇടിച്ച്‌ അപകടം.ബുധനാഴ്ച രാവിലെ 7.30 ഓടെയാണ് സംഭവം. പെരുമ്ബാവൂരില്‍ നിന്ന് എറണാകുളത്തെ ആശുപത്രിയിലേക്ക് പോകുകയായിരുന്ന കോതമംഗലം സ്വദേശി ബിജുമോന്‍ ഓടിച്ചിരുന്ന കാറാണ് അപകടത്തില്‍പ്പെട്ടത്.
നിയന്ത്രണംവിട്ട കാര്‍ ചാലക്കല്‍ പാനാപിള്ളി അഷറഫിന്‍റെ മതിലില്‍ ഇടിക്കുകയായിരുന്നു. മതിലും മതിലിനോട് ചേര്‍ന്ന കടയുടെ ഒരുഭാഗവും തകര്‍ന്നു. ഇടത് വശത്ത് മതിലില്‍ ഇടിച്ച കാര്‍ റോഡിന് മറുവശത്തെ കാട്ടിലേക്ക് ഇടിച്ചു കയറിയാണ് നിന്നത്. ഈ സമയം റോഡില്‍ മറ്റ് വാഹനങ്ങള്‍ ഇല്ലാത്തതിനാല്‍ വലിയ അപകടം ഒഴിവായി.
(കാര്‍ ഇടിച്ച്‌ തകര്‍ന്ന ഷെഡ്)
അപകട സമയത്ത് ഡ്രൈവര്‍ ഉള്‍പ്പടെ രണ്ട് പേരാണ് കാറില്‍ ഉണ്ടായിരുന്നത്. ആര്‍ക്കും പരിക്കില്ല. ഇന്നോവ ക്രസ്റ്റ കാറിന്‍റെ മുന്‍ വശവും പിറക് വശത്തെ ഗ്ലാസും തകര്‍ന്നിട്ടുണ്ട്.
Post a Comment