കണ്ണൂര്‍: കാണാതായതിനെ തുടര്‍ന്ന് പൊലിസും നാട്ടുകാരും തെരച്ചില്‍ നടത്തി കൊണ്ടിരുന്ന ഓട്ടോ ഡ്രൈവറുടെ മൃതദേഹം കണ്ടെത്തി.കഴിഞ്ഞ ദിവസം രാവിലെ മുതല്‍ കാണാതായ ചെറുകുന്ന് ടൗണിലെ ഓട്ടോ ഡ്രൈവര്‍ ചുണ്ടതച്ചന്‍ കണ്ടിയാല്‍ ക്ഷേത്രത്തിന് സമീപത്തെ തൈ വളപ്പില്‍ ചന്ദ്രന്റെ (56) മൃതദേഹമാണ് ചുണ്ടയിലെ ആള്‍ താമസമില്ലാത്ത പറമ്ബിലെ കിണറില്‍ നിന്ന് കണ്ടെടുത്തത്.
കണ്ണപുരം പൊലീസ് സ്ഥലത്തെത്തി മൃതദേഹം പരിശോധന നടത്തിയതിന് ശേഷം കണ്ണൂര്‍ ഗവ. പരിയാരം മെഡിക്കല്‍ കോളേജിലേക്ക് മാറ്റി. ആത്മഹത്യയാണെന്നാണ് പൊലിസ് നിഗമനം. കണ്ണപുരം പൊലിസ് അസ്വാഭാവിക മരണത്തിന് കേസെടുത്ത് അന്വേഷണമാരംഭിച്ചിട്ടുണ്ട്
Post a Comment