കോട്ടയം: അകലക്കുന്നം മറ്റക്കര കരിമ്ബാനിയില്‍ കുടുംബവഴക്കിനെ തുടര്‍ന്ന് ഭര്‍ത്താവ് ഭാര്യയെ കുത്തിപ്പരിക്കേല്‍പ്പിച്ച ശേഷം ജീവനൊടുക്കി.ഭാര്യയെ നാട്ടുകാര്‍ ചേര്‍ന്ന് ആശുപത്രിയിലേയ്‌ക്കു കൊണ്ടു പോകുന്നതിനിടെയാണ് ഭര്‍ത്താവ് വീടിനുള്ളില്‍ തൂങ്ങി മരിച്ചത്. അകലക്കുന്നം കരിമ്ബാനി തച്ചിലങ്ങാട് കുഴിക്കാട്ട് വീട്ടില്‍ സുരേന്ദ്രനാണ്(60) ഭാര്യ പുഷ്പമ്മ (55)യെ കുത്തിക്കൊലപ്പെടുത്താന്‍ ശ്രമിച്ച ശേഷം ജീവനൊടുക്കിയത്. കുത്തേറ്റ് സാരമായി പരിക്കേറ്റ ഭാര്യ പുഷ്പമ്മയെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
>
ശനിയാഴ്ച രാത്രിയായിരുന്നു സംഭവം. എല്‍.ഐ.സി ഏജന്റായ സുരേന്ദ്രനും, ഭാര്യ പുഷ്പമ്മയും മാത്രമാണ് വീടിനുള്ളില്‍ താമസിച്ചിരുന്നത്. ദമ്ബതികള്‍ക്കു രണ്ടു മക്കളുണ്ട്. ഇരുവരും മറ്റൊരു വീട്ടിലാണ് താമസിക്കുന്നത്. ശനിയാഴ്ച വൈകിട്ട് ഇരുവരും തമ്മില്‍ വീട്ടില്‍ വച്ച്‌ വഴക്കുണ്ടാകുകയായിരുന്നു. ഇതിനെ തുടര്‍ന്ന് കൈയ്യില്‍ കിട്ടിയ കത്തി ഉപയോഗിച്ച്‌ പുഷ്പമ്മയെ സുരേന്ദ്രന്‍ കുത്തിപ്പരിക്കേല്‍പ്പിക്കുകയായിരുന്നു. വീട്ടിലെ ബഹളം കേട്ട് ഓടിക്കൂടിയ നാട്ടുകാര്‍ ചേര്‍ന്നാണ് പുഷ്പമ്മയെ ആശുപത്രിയില്‍ എത്തിച്ചത്.
Post a Comment