മരുന്നേതെന്ന് ചോദിച്ചാല്‍ ദൈവത്തെ പേടിയെന്ന് മറുപടിയെഴുതും; യുക്തിരഹിതമായ ഒ പി ചീട്ടില്‍ ഡോക്ടര്‍ക്കെതിരെ നടപടി

കുറിപ്പടികളെക്കുറിച്ച് ചോദിക്കുന്ന സംശയങ്ങള്‍ക്ക് ഒ പി ചീട്ടില്‍ പരിഹാസ മറുപടികളെഴുതുന്ന ഡോക്ടര്‍ക്കെതിരെ നടപടി. ആലപ്പുഴ ജനറല്‍ ആശുപത്രിയിലെ ഡോക്ടറെ അന്വേഷണ വിധേയമായി പുറത്താക്കി. ആലപ്പുഴ നഗരസഭ അദ്ധ്യക്ഷയുടെ നേതൃത്വത്തില്‍ നടത്തിയ പ്രാഥമിക അന്വേഷണത്തിലാണ് ഡോക്ടര്‍ക്കെതിരെ നടപടി സ്വീകരിച്ചത്. യുക്തിരഹിതമായ കുറിപ്പടികള്‍ എഴുതുകയും മറ്റ് ആരോഗ്യപ്രവര്‍ത്തകരെ ഒ പി ചീട്ടിലൂടെ പരിഹസിച്ചതിനും ഉള്‍പ്പെടെയാണ് ഡോക്ടര്‍ക്കെതിരെ നടപടി സ്വീകരിച്ചിരിക്കുന്നത്. (action against doctor who wrote weird o p ticket)

<

div>അവ്യക്തമായി എഴുതിയ കുറിപ്പടി മനസിലാക്കാതെ സംശയം ചോദിച്ച സ്റ്റാഫ് നഴ്‌സിന് ദൈവത്തെ സിസ്റ്റര്‍ കളിയാക്കരുതെന്നായിരുന്നു ഒ പി ടിക്കറ്റിലൂടെ ഡോക്ടറുട മറുപടി. മറ്റൊരു സംശയം ചോദിച്ച നഴ്‌സിന് ദൈവത്തെ എനിക്ക് പേടിയാണെന്നായിരുന്നു ഡോക്ടറുടെ മറുപടി. കുറിപ്പടി വായിച്ച് ആശയക്കുഴപ്പമുണ്ടായ ഫാര്‍മസിസ്റ്റുകളോടും ചീട്ടിലൂടെ തന്നെ ഡോക്ടര്‍ക്ക് പറയാനുള്ളത് ഇത്തരം മറുപടികളാണ്.