അതേസമയം മുഖ്യമന്ത്രിക്കെതിരെ വിമാനത്തില്‍ പ്രതിഷേധം ഉണ്ടായ സംഭവത്തില്‍ സിപിഎം- ഡി വൈ എഫ് ഐ പ്രതിഷേധ പ്രകടനങ്ങള്‍ തുടരുകയാണ്. ശാസ്തമംഗലത്ത് കെ പി സി സി ആസ്ഥാനമായ ഇന്ദിരാ ഭവന് നേര്‍ക്ക് കല്ലേറ് നടന്നു. പിന്നില്‍ സിപിഎം- ഡി വൈ എഫ് ഐ പ്രവര്‍ത്തകരാണ് എന്ന് കോണ്‍ഗ്രസ് ആരോപിച്ചു.
മുതിര്‍ന്ന കോണ്‍ഗ്രസ് നേതാവ് എ കെ ആന്റണി ഇന്ദിരാ ഭവനില്‍ ഉള്ളപ്പോഴായിരുന്നു അക്രമം. ഓഫീസിന് മുന്നില്‍ പാര്‍ക്ക് ചെയ്തിരുന്ന കാറിന് നേര്‍ക്ക് അക്രമികള്‍ കല്ലെറിഞ്ഞു. കല്ലേറില്‍ കാറിന് കേടുപാടുകള്‍ സംഭവിച്ചു. രൂക്ഷമായ അസഭ്യ വര്‍ഷത്തോടെയാണ് കല്ലേറ് നടന്നതെന്ന് കോണ്‍ഗ്രസ് പ്രവര്‍ത്തകര്‍ പറഞ്ഞു.
സംഭവത്തില്‍ മുഖ്യമന്ത്രിയും കോടിയേരിയും മറുപടി പറയണമെന്ന് എ കെ ആന്റണി പ്രതികരിച്ചു. കണ്ണൂര്‍ ഇരിട്ടിയിലും സിപിഎം പ്രകടനം അക്രമാസക്തമായി.
Tags: CPIM PINARAYI VIJAYAN shafi parambil e p jayarajan congres
Post a Comment