അയ്യോ.. ഇയാളോ?’; അടുത്ത സീറ്റിൽ കില്ലർ ശോഭരാജ്; നോട്ടം കൊണ്ട് വൈറലായി ആ യുവതി

വിമാനയാത്രയിൽ തന്റെ തൊട്ടടുത്ത സീറ്റിലിരുന്ന വ്യക്തിയെ നോക്കുന്ന ഒരു യുവതിയുടെ ചിത്രം ഇപ്പോൾ സൈബർ ഇടങ്ങളിൽ വൈറലാണ്. ദിവസങ്ങൾക്ക് മുൻപ് പുറത്തുവന്ന ചിത്രമാണെങ്കിലും ആ യുവതിയുടെ നോട്ടവും കണ്ണുകളിലെ ഭയവും ആശങ്കയും കലർന്ന നോട്ടവും ഇപ്പോൾ സജീവ ചർച്ചയാണ്. ലോകത്തെ നടുക്കി മുപ്പതിലേറെ സ്ത്രീകളെ ക്രൂരമായി കൊന്നുതള്ളിയ സൈക്കോ കില്ലർ ചാൾസ് ശോഭരാജായിരുന്നു യുവതിയ്ക്ക് അടുത്തിരുന്ന ആ യാത്രക്കാരൻ. നേപ്പാൾ ജയിലിൽ നിന്നും മോചിതനായ ശേഷം ശോഭരാജിനെ ഫ്രാൻസിലേക്ക് നാടുകടത്തുകയായിരുന്നു.

v>സഹയാത്രികനെ കണ്ട സ്ത്രീ ആദ്യം തന്നെ ഞെട്ടി. വാർത്തകളിൽ നിറഞ്ഞുനിൽക്കുന്ന ലോകം ഭീതിയോടെ മാത്രം പറയുന്ന സൈക്കോ കില്ലറാണ് തന്റെ സഹയാത്രികൻ. ചാൾസിൽ നിന്ന് എത്രയും അകന്ന് ഇരിക്കാമോ അത്രയും അകന്നിരിക്കാൻ അവർ ശ്രമിക്കുന്നുണ്ട്. പുറത്തുവന്ന ചിത്രങ്ങളിൽ തെളിഞ്ഞ അവരുടെ കണ്ണുകളിലെ ഭയമാണ് ഇപ്പോൾ സൈബർ ലോകത്ത് ചർച്ച.